Шар мэдээ

Бяцхан хүүхдүүд амьдрал бэлэглэгч Б.Болдсайхан эмч хорт хавдрын улмаас гадаад улсыг зорилоо

Зүрх судасны мэс засалч, анагаах ухааны доктор, гавьяат эмч, бяцхан хүүхдүүдэд амьдрал бэлэглэгч Б.Болдсайхан эмч ходоодны хорт хавдраар өвчилсөн. Тэрээр хавдраа эмчлүүлэхээр өнөөдөр /2021.01.22/ МИАТ-ийн ачааны каргогоор гадаад руу явлаа.

dundaa Бяцхан хүүхдүүд амьдрал бэлэглэгч Б.Болдсайхан эмч хорт хавдрын улмаас гадаад улсыг зорилоо

Энэ талаар тэрбээр өөрийн цахим хуудаснаа “Үүрээр эхэлсэн сүүлийн хагалгаа: Ховдлын цоорхой нөхөх сайн боллоо .. одоо онгоцны буудлын зүг ..

Уучлаарай .. нэгдүгээр сарын 13-ны шөнө ходоодноос 3 л орчим цус алдаж ухаангүй “Сонгдо” эмнэлэгтээ хүргэгдэж ирж дурангаар цус тогтоолгосон .. явах дөхсөн … Ходоодны хорт хавдар гэж онош гарсан .. I-19нд эмнэлгээсээ гарлаа .. гэхдээ эмнэлэгт байх хоорондоо явах өдрөө хүртэл хойшлуулшгүй хүндэрсэн хүүхдүүдийн хагалгаа орсон …

Өнөөдөр эмчилгээнд яваад 1 сар хагас орчим болоод ирэх байх … “Зүрх мартахгүй” төсөл зогсохгүй ээ: намайг байсан ч байхгүй ч үргэлжлүүлээд явах 20-д хүнтэй чадвартай сайн баг: Бямбасүрэн, Доржсүрэн, Буянтөгс, Гэрэлмаа, Зоригоо, Намхайдорж, Эрдэнэбаатар, ХашЧулуун эмч нараар ахлуулаад үлдэж, ажлаа хийнэ.

Уучлаарай: 1. МИАТ ачааны карго онгоцонд билетээ аваад нислээ … битгий бүүр их муу хэлж, шүүмжилж, үзэн ядаарай, хэн нэгнийг хойш урагш болгоогүй ээ …

Уучлаарай: 2. зун намаржин ходоод өвдсөн ч дурандуулалгүй дараа 7 хоногт гэж өвчтөндөө огт зөвшөөрдөггүй байж өөрөө гаргасан тэнэглэлээс өвчин хожуу мэдэж хүндэрсэнд … Үүний улмаас “Зүрх мартахгүй” төслөөр зүрхний хагалгаанд орж амжих байсан жоохон хүүхдүүдийн өмнө уучлал гуйя аа. Хоёр сарын дараа дэлгэр Монгол орондоо яаран яаран ирж уулзахын ерөөл тавья” хэмээн бичжээ.

 

Л.Баяр

ХОЛБООТОЙ МЭДЭЭ

Back to top button
Close