Боловсрол

Танхимын сургалт эхлүүлэх эсэхийг ирэх долоо хоногт шийднэ

ЕБС-ийн сурагчдын нэгдүгээр улирлын амралт хоёрдугаар сарын 1-нд дуусна. Тиймээс ирэх сарын 1-нээс танхимын сургалтыг нээх эсэх шийдвэрийг Засгийн газар болон УОК-оос гаргах ёстой. Энэ талаар БШУ-ны сайд Л.Цэдэвсүрэн мэдээлэл өглөө.

Тэрбээр “Хоёрдугаар сарын 1-нд ЕБС-ийн сурагчдийн нэгдүгээр улирлын амралт дуусна. Тиймээс бид хоёрдугаар сарын 1-нээс танхимын хичээл оруулах уу, үгүй юү гэдэг 4-5 хувилбар судалж байна. Эцэг, эхчүүдээс маш их санал ирж байна. Мөн сурагчид, багш нараас ч саналыг нь авч байна. Маргааш эдгээр саналыг нэгтгээд яамнаас тодорхой санал гаргаад ирэх долоо хоногийн УОК-ын хуралдаанд оруулж, шийдвэрлүүлнэ” гэв.

 

Л.Баяр

ХОЛБООТОЙ МЭДЭЭ

Back to top button
Close