Турк Улсад коронавирусийг аравхан секундын дотор илрүүлдэг багаж бүтээжээ
2021-01-05 17:55
Турк Улсад SARS-CoV-2 коронавирусийг 10-хан секундын дотор илрүүлдэг тусгай төхөөрөмж зохион бүтээжээ. Энэ бүтээлийг Анкара дахь Билькентийн их сургуулийн эрдэмтэд боловсруулсан байна. Энэ бүтээлийн коронавирусийг илрүүлэх чадвар 99%.
Diagnovir хэмээх нэртэй энэ бүтээл нь хүний шүлсний дээжнээс коронавирусийн халдварыг илрүүлдэг юм байна. Ингэхдээ авсан дээжээ тусгай уусмалтай хольж, дараа нь эмгэг илрүүлэх чипэнд байршуулдаг аж. Эерэг хариу гарсан тохиолдолд оптик систем нь гэрлийн өнгөө өөрчилдөг гэнэ.
“Энэ систем экспортод гарах өндөр боломжтой. Энэ бүтээл тун удахгүй манай улсад болон дэлхий нийтэд асар их нөлөө үзүүлнэ” хэмээн их сургуулийн мэргэжилтнүүд мэдэгджээ.