Их Британийн нэгэн хос коронавирусээс зугтаж, Ирландын эргийн ойролцоо байдаг нэгэн жижигхэн арал дээр төвхнөжээ. Оуэй хэмээх нэртэй энэ арал дээр цахилгаан, ус дамжуулах суваг байхгүйгээс гадна коронавирус илрээгүй юм байна.
Люк, Сара Фланаган нар өнгөрсөн жилийн гуравдугаар сарын 14-нд арал дээр иржээ. Энэ нь Их Британид хөл хорио тогтоохоос хэдхэн хоногийн өмнө гэнэ. Дурлалт хосууд хоёулхнаа байхыг хүссэн учраас арал дээр нэгэн жижигхэн байшин хөлсөлжээ. Оуэй арал дээр байнгын оршин суугчид байдаггүй бөгөөд зуны цагт хэдхэн хүн ирдэг аж.
Залуу хос өөрсдийн гэсэн аж ахуй эрхэлж, загас барьж, тахиа үржүүлжээ. Тэдэнд эх газар луугаа явахын тулд завь хэрэгтэй. Өнгөрсөн зун хос өвлийн идшээ их хэмжээгээр нөөцлөн авчээ.
Орчуулсан Э.Март : mir24.tv/news