Төрийн өмчит цэцэрлэгүүд хүүхдийн бүртгэлийг цахим хэлбэрээр авах боломж бүрдлээ. Нийслэлийн удирдлагууд өчигдөр хуралдаж энэ асуудлыг хэлэлцэн дэмжээд НИТХ-д өргөн барихаар болов.
Цэцэрлэгийн бүртгэл цахим хэлбэрт шилжсэнээр эцэг эхчүүд хүүхдээ бүртгүүлэхийн тулд урт дараалал үүсгэж, хонож дугаарлах шаардлагагүй болох юм. Мөн тухайн жилд харьяа дүүргийн цэцэрлэгт хэдэн хүүхэд шинээр болон нэмж авах, хэдэн хүүхэд бүртгэж авсан зэрэг мэдээлэл нээлттэй болох юм байна.