Баянзүрх дүүргийн эмнэлгээс голомтлон гарсан халдварын тохиолдол 62 боллоо

Улаанбаатар хотод нийт 32 тохиолдол илэрснээс 31 Баянзүрх дүүргийн эмнэлгийн голомтоос илэрсэн бол нэг тохиолдол арванхоёрдугаар сарын 19-нд Франкфуртийн онгоцоор ирсэн иргэнээс илэрсэн. Баянзүрх дүүргийн нэгдсэн эмнэлгийн нийт батлагдсан тохиолдол 62 болсноос 46 нь эхний шинжилгээгээр, 16 нь давтан шинжилгээгээр халдвар илэрчээ.

Дүүргээр нь ангилбал:

• БЗД-т оршин суудаг 50
• БГД-т оршин суудаг 2
• Налайх дүүрэгт оршин суудаг 1
• СХД-т оршин суудаг 2
• ХУД-т оршин суудаг 1
• Чингэлтэй дүүрэгт оршин суудаг 5 тохиолдол байна.

Өнөөдрийн байдлаар халдварын батлагдсан тохиолдлуудын ойрын болон дам хавьтал 1,136 хүнийг илрүүлэн тандалт, шинжилгээ хийж байна. Ойрын хавьтлын 622 хүнийг эмнэлэг болон бусад газруудад тусгаарлаад байгаа гэж ХӨСҮТ-ийн Тандалт, судалгааны албаны дарга А.Амбасэлмаа хэллээ.

 

Л.Баяр