Улсын хэмжээнд гамшгаас хамгаалах өндөржүүлсэн болон бүх нийтийн бэлэн байдлын зэрэгт шилжүүлсэнтэй холбогдуулан Мал, тэжээвэр амьтдын 2020 оны тооллогыг энэ сард багтаан зохион байгуулж байна.
Иймд, малтай өрх, аж ахуйн нэгж, байгууллага бүр Мал, тэжээвэр амьтдын 2020 оны тооллогод идэвхтэй хамрагдахыг Үндэсний статистикийн хорооноос уриаллаа. Мөн тооллогод хамрагдахаа ариун цэвэр, халдвар хамгааллын дэглэмийг сайтар баримтлан ажиллахыг зөвлөж байна.
Мал тооллого нь 1918 оноос хойш зохион байгуулагдаж байгаа бөгөөд мал, тэжээвэр амьтдын тооллогоор цуглуулсан мэдээлэл нь төрөөс хөдөө аж ахуйн салбарын бодлого боловсруулах, хэрэгжүүлэх, малчдын нийгмийн асуудлыг шийдвэрлэхэд үндсэн суурь мэдээлэл болдог билээ.
Үндэсний статистикийн хороо
