Даваа гарагт АНУ-ын муж бүрийн сонгуулийн төлөөлөгчид санал хурааж, Ардчилсан Намаас нэр дэвшигч Жо Байдены энэ оны ерөнхийлөгчийн сонгуульд байгуулсан ялалтыг бататгасан талаар Reuters мэдээллээ.
Арваннэгдүгээр сарын 3-ны өдөр болсон сонгуулийн санал хураалтын үр дүнд Жо Байден 306, одоогийн ерөнхийлөгч Дональд Трамп 232 төлөөлөгчийн санал тус тус авсан нь ийнхүү баталгаажиж байна.
АНУ-ын 50 мужаас хамгийн цөөндөө 270 санал цуглуулсан нэр дэвшигч ерөнхийлөгч болох хуультай. Нэгдүгээр сарын 20-ны өдөр шинэ ерөнхийлөгч тангараг өргөж, үүрэгт ажилдаа орох юм.
Б.ИРЭЭДҮЙ
