Гамшгаас хамгаалах бүх нийтийн бэлэн байдлын зэрэгт шилжсэн нөхцөлд улсын онцгой чухал байгууллагын нэг “Буян-Ухаа” олон улсын нисэх буудал хэвийн горимоор ажиллаж байгааг ИНЕГ-аас мэдээллээ. Гамшгаас хамгаалах бүх нийтийн бэлэн байдлын зэрэгт шилжсэний дагуу:
- Улсын онц чухал болон стратегийн ач холбогдол бүхий обьект, байгууллага (Гадаадын дипломат төлөөлөгчийн газар, НҮБ-ын суурин төлөөлөгчийн газар, Нийслэлийн замын хөдөлгөөний удирдлагын төв, “УБТЗ” ХНН, “Буянт-Ухаа” олон улсын нисэх буудал, “Биокомбинат” төрийн өмчит үйлдвэрийн газар, Стандарт, хэмжил зүйн газар болон Үнэт металлын сорьцын хяналтын газрын байр, Үндэсний дата төвийн нөөц төв)-ууд
- Хэвлэл мэдээлэл, харилцаа холбоо, шуудан,
- Цахилгаан, дулаан, усан хангамж, ариутга татуурга,
- Газрын тосны бүтээгдэхүүн, түлшний хангамж,
- Хүнсний үйлдвэрлэл, худалдаа, тээвэрлэлт, түгээлт, ханган нийлүүлэлт (хайпермаркет, супермаркет, минимаркет, хүнсний дэлгүүр, бөөний төв, агуулах, хүнсний зах, мал, амьтны тэжээлийн хангамж болон түгээлт тээвэрлэлт
- Эрүүл мэндийн байгууллага, эмийн сан, эм, эмнэлгийн хэрэгсэл ханган нийлүүлэх байгууллага,
- Хог хаягдлын цэвэрлэгээ, ачилт, цуглуулалт, тээвэрлэлт, устгал, золбин нохой, муурын устгал
- Ариутгал, халдваргүйжүүлэлт, нийтийн бие засах газар
- Буяны үйл ажиллагаа, оршуулга,
- Өвс, тэжээлийн нөөц бүрдүүлэлт, сайжруулсан болон баяжуулсан түлшний үйлдвэрлэл, нийлүүлэлт, түгээлт, тусгай зөвшөөрөл бүхий байгууллагын түлш тээвэрлэлт,
- Тусгайлсан чиг үүрэг бүхий байгууллага (гамшгаас хамгаалах, мэргэжлийн хяналт, цагдаа, зэвсэгт хүчин, гааль, татвар, байгаль орчныг хамгаалах, улсын бүртгэл, гадаадын иргэн, харьяатын асуудал эрхлэх, дипломат болон тусгай алба) хэвийн горимоор ажиллаж байгаа юм.
