“Сохо мебель”: Хүнийг гэмт хэрэгт гүтгэж байгаа үйлдэлд хуулийн хариуцлага хүлээлгэх болно

22 настай охины үхэлд нэр нь холбогдоод буй “Сохо мебель” компанийн захирлын зүгээс энэ өдрүүдэд ямар ч хариу тайлбар хийгээгүй байсан.

Тэгвэл дөнгөж сая тус компанийн Ерөнхий менежер Г.Ганбаганын гарын үсэгтэй нэгэн мэдэгдэл нийтэд ил боллоо. Тус мэдэгдэлд ” Талийгаач Ж нь манай байгууллагад ажиллаж байгаад 05 дугаар сарын 31-ний өдөр ажлаас гарсан. Улмаар 6 дугаар сарын 5-ны өдөр захиралдаа зодуулсан гэсэн гомдол гаргасан.

Уг гомдлын дагуу тус цагдаагийн газраас тус дэлгүүрийн хяналтын камерын бичлэгийг шалгаж үзээд зодуулаагүй гэдгийг нь тогтоосон. Улсын Дээд шүүхэд туслахаар ажилладаг гэх ах нь хүн гүтгэсэн худал зүйлийг шалгуулахаар өөрийг нь дагуулан ХУД-ийн цагдаагийн газар очиж, Дэд даргаас эхлэн албан тушаалтнуудад нь танайхан энэ хэргийг нуун дарагдууллаа гэх худал зүйлийг шалгуулах гэж асуудал тавьж, мөн цагдаагийн алба хаагчдыг дотоод хяналтад шалгуулна гэж сүрдүүлэг хийсэн байсан. Мөн цагдаагийн байгууллагын ажилтнуудыг гүтгэсэн байсан. Түүнчлэн санаатайгаар худал мэдээлэл цацаж хүнийг гэмт хэрэгт гүтгэж байгаа энэхүү үйлдэлд нь хуулийн хариуцлага хүлээлгэх болно” гэжээ.

Эх сурвалж: http://news.zone.mn/news/98926.htm