Юнител групп Азийн хөлбөмбөгийн холбоотой (AFC) гэрээ байгуулжээ. Гэрээ ёсоор Unitel тус холбооны зохион байгуулж байгаа тэмцээнүүдийг 2021-2024 онд нэвтрүүлэх, дамжуулах эрхтэй боллоо.
Үүнд: ДАШТ болон Тивийн аваргын тэмцээний Азийн бүсийн тоглолт, Азийн Аваргуудын лиг, 2021 оны Азийн Цом, 2023 оны Азийн Цом, U23 насны 2022, 2023 оны Азийн Цом зэрэг шигшээ баг, клубийн тоглолтууд багтжээ. Unitel групп UniLive, Look TV Unitel сувгаар тэмцээн, уралдааныг шууд дамжуулах болно.