Дорноговь аймгийн Сайншанд сумын II багийн нутагт автомашин галт тэрэгтэй мөргөлдсөн ноцтой осол гарчээ. Тодруулбал, аравдугаар сарын 4-ны өдрийн 18:05 цагт Зэвсэгт хүчний 017 дугаар цэргийн ангийн “Фотон” маркийн автомашин Сайншанд-Зүүнбаян чиглэлийн төмөр замын долдугаар км-ийн хаалтгүй гарам дээр ачааны галт тэрэгтэй мөргөлдсөн байна. Ослын улмаас автомашинд зорчиж явсан 27 настай эрэгтэй гэмтжээ. Хэргийг тус аймгийн Цагдаагийн газар шалгаж байна.
