Харилцаа холбоо, мэдээллийн технологийн газрын дарга Б.Болор-Эрдэнэ тэргүүтэй тус газрын дарга нар мэдээлэл зүйн олон улсын 32 дугаар олимпиад болон математикийн олон улсын 61 дэх олимпиадад алт, мөнгө, хүрэл медаль авсан хүүхдүүдийг хүлээн авч, уулзлаа.
Уулзалтаар ХХМТГ-ын дарга Б.Болор-Эрдэнэ олимпиадад оролцсон нийт хүүхдүүдэд баяр хүргэж, Монгол Улсынхаа хөгжилд хувь нэмрээ оруулах IT инженерүүд болохыг хүссэн юм. Энэ чиглэлд агентлагийн зүгээс дэмжиж ажиллах болно гэдгээ илэрхийлээд гарын бэлэг гардуулан өгөв.
Мөн тэрбээр Харилцаа холбоо, мэдээллийн технологийн газраас хэрэгжүүлж буй E-Mongolia хөтөлбөр болон ICT EXPO-2020 үзэсгэлэнгийн талаарх мэдээллийг өгч, харилцаа холбооны сүлжээний компаниудын үйл ажиллагааг танилцуулсан юм.
Харилцаа холбоо, мэдээллийн технологийн газар
