Засгийн газар ирэх оны төсвийг хэлэлцэнэ
Сангийн яам 2021 оны төсвийг боловсруулж дуусчээ. Энэ долоо хоногийн Засгийн газрын хуралдаанаар ирэх оны төсвийг хэлэлцэн УИХ-д өргөн барих юм байна.
Аравдугаар сарын 5-нд УИХ-ын анхны намрын чуулган нээлтээ хийнэ. Намрын чуулганы эхэнд буюу арваннэгдүгээр сарын 15-наас өмнө ирэх оны төсвийг батлах хуулийн хугацаатай. Тиймээс энэ долоо хоногийн Засгийн газрын хуралдаанаар ирэх оны төсвийг хэлэлцээд УИХ-д өргөн барих юм байна.
Энэ оны төсөвт тодотгол хийж 3.8 их наядын алдагдалтай баталсан. Харин ирэх оны төсөвт энэ алдагдлыг хоёр дахин бууруулах чиглэлийг УИХ-аас Засгийн газарт өгсөн юм.