Төрийн албаны ерөнхий шалгалтын товыг Төрийн албаны зөвлөлийн 2020 оны 9 дүгээр сарын 09-ний өдрийн хуралдаанаар шийдвэрлэж олон нийтэд зарласан билээ.
Төрийн албаны ерөнхий шалгалтын цахим бүртгэл 2020 оны 9 дүгээр 14-ний өдрийн 14:00 цагаас эхлээд байна. Цахим бүртгэл 30 хоногийн хугацаанд 2020 оны 10 дугаар сарын 14-ний 14:00 цаг хүртэл явагдана.
2020 оны 1 дүгээр сард бүртгүүлсэн иргэд дахин бүртгүүлэх шаардлагагүй бөгөөд бүртгэгдсэн эсэхээ системд нэвтэрч “Бүртгэлд хамрагдсан иргэд” цэснээс шалгах нь зүйтэй.
Шалгалтын цахим бүртгэл дууссаны дараа 2020 оны 10 дугаар сарын 26-ны өдөр шалгалтын хуваарийг нийтэлж, амжилттай бүртгүүлсэн иргэдэд SMS мессеж илгээх болно. Бүртгүүлсэн иргэд шалгалтын хуваарь өдөр, цагтаа баталгаажилтын хуудсаа хэвлэн авч, иргэний үнэмлэхтэйгээ ирэх юм.
Төрийн албаны ерөнхий шалгалт 2020 оны 11 дүгээр сарын 04-ний өдрөөс эхэлнэ.
“Төрийн албаны шалгалтын сорил” цахим номыг Төрийн албаны зөвлөлийн сайтад байршуулсан тул холбоос линкээр орж судлах боломжтой. Цахим номыг сорилын “зөв хариулт”-ын түлхүүрийн хамт хэвлүүлэхээр хэвлэлтэд өгсөн бөгөөд хэвлэгдэж гарсаны дараа www.csc.gov.mn цахим сайтаар мэдээллэх болно.
ТӨРИЙН АЛБАНЫ ЗӨВЛӨЛИЙН СОНГОН ШАЛГАРУУЛАЛТЫН ГАЗАР
