УОК: Хөл хориог ирэх аравдугаар сарын 31-нийг дуустал сунгах тал дээр санал нэгджээ 

Улсын Онцгой комиссын ээлжит хуралдааныг өнөөдөр Төрийн ордонд боллоо. Хуралдаанаар соёл урлаг, спорт, олон нийтийн арга хэмжээ, худалдаа үйлчилгээг үе шаттайгаар нээх асуудлыг хэлэлцэж, дэмжсэн байна.

Түүнчлэн маргааш /2020.09.15/ дуусгавар болох өндөржүүлсэн бэлэн байдлын хөл хориог сунгах саналыг гаргасан байна. Учир нь хөл хориог ирэх аравдугаар сарын 31-нийг дуустал сунгах дээр санал нэгджээ.

Улсын Онцгой комиссын ээлжит хуралдаанаас гаргасан дээрх шийдвэрийг Засгийн газрын хуралдаанаар хэлэлцэж, баталгаажуулна. Засгийн газрын ээлжит бус хуралдааныг 14:00 цагт Төрийн ордонд товолсон байна.