Чехийн ерөнхийлөгч зурагт үзэж байгаад гараа хугалжээ
Чехийн ерөнхийлөгч Милош Земан зурагтаар мэдээ үзсэнийхээ дараа буйдангаас гараа тулан босох гэж байгаад гараа хугалжээ. Чехийн төрийн тэргүүний хэвлэлийн нарийн бичгийн дарга Ийржи Овчачек “Ерөнхийлөгч өчигдөр зурагтаар мэдээ үзээд, дуусах үед нь таягаа тулахгүй, хамгаалалтын тусламжгүйгээр босох гэж байгаад унаж, баруун гараа хугалсан” гэж мэдэгджээ.
Земаныг Цэргийн төв эмнэлэгт хүргэсэн байна. Шөнө нь Чехийн эмч нар түүнд мэс засал хийжээ. Үүнээс өөр дэлгэрэнгүй мэдээллийг өгөөгүй байна. Ямартай ч түүний амь насанд аюул учрахааргүй байгаа гэнэ.
Земан 2 жилийн хугацаанд 20 кг турсан юм. Тэрбээр өнгөрсөн жилийн нам хоолны дуршилгүй болж, даралт нь унаснаар эмнэлэгт хэвтэж байсан түүхтэй.