БНСУ-ын прокурорын байгууллага Ерөнхийлөгч асан Пак Гын Хэгийн найз Чой Сун Шилийн охин Чан Юу Раг өнгөрсөн мягмар гаригт баривчилжээ.
Тэрбээр энэ оны нэгдүгээр сараас хойш Данийн Олбург хотын саатуулах төвд хоригдож байсан аж. Түүнийг Өмнөд Солонгосын тал ээжийнх нь хээл хахуулийн хэрэгт холбогдуулан шалгах хүсэлтийг тавьж, шилжүүлэн өгөх хүсэлтийг Дани улсын Засгийн газарт тавьсан байна. Данийн шүүх өнгөрсөн сард энэ хүсэлтийг ёсоор болгож Хэрэгтэнг шилжүүлэх процесс Копенгаген хотын онгоцны буудалд болсон байна.
