Бүх шатны сургалтын байгууллагын үйл ажиллагааг есдүгээр сарын 1-нээс эхлүүлэх шийдвэрийг Монгол Улсын Засгийн газрын хуралдаанаар эцэслэн гаргасан.
Халдвар хамгааллын дэглэмийг баримтлах, эрсдлийг бууруулах зорилгоор анги дүүргэлтийг 20-оос хэтрүүлэхгүй байхаар тогтоож, хоёр настнуудыг цэцэрлэгт хамруулахгүй байхаар шийдвэрлэсэн юм.
Харин 3-4 настнуудын 60 хувийг, таван настнуудыг 100 хувь хамруулахаар болсон. Хэдийгээр цэцэрлэгийн бүртгэлийг өнөөдрөөс эхлэн цахимаар зохион байгуулахаар төлөвлөсөн ч үүнд өөрчлөлт оруулжээ.
Цэцэрлэгийн бүртгэлийг хэрхэн зохион байгуулах талаар нийслэлийн Боловсролын газраас тодруулахад “Бүртгэлийг цахимаар хийхгүй. Хэрхэн зохион байгуулах талаар өнөөдөр 11:00 цагт хэвлэлийн хурал хийж, тодорхой мэдээллийг өгнө” гэлээ.
