Энэ сарын 21-ний өдөр Сонгинохайран дүүргийн 20 дугаар хороонд 44 настай иргэн Л гарцгүй хэсгээр зам хөндлөн гарч явахад нь “Subaru Forester” маркийн автомашины жолооч мөргөж гэмтээсэн хэргийг Тээврийн цагдаагийн албаны Мөрдөн шалгах хэлтэст шалгаж байна.
Ташрамд дурдахад, замаар явж байгаа жолооч, тээврийн хэрэгслийн зорчигч, явган зорчигч нарыг замын хөдөлгөөнд оролцогч гэх бөгөөд аль аль нь замын хөдөлгөөнд оролцохдоо хөдөлгөөний аюулгүй байдлыг хангах үүрэгтэй.
Иймд явган зорчигч нарыг зам хөндлөн гарахдаа гарцтай хэсгээр, зөвшөөрөгдсөн гэрэл дохио асахаар гарах, жолооч нарыг хөдөлгөөнд оролцохдоо анхаарал болгоомжтой оролцож, зам тээврийн ослоос урьдчилан сэргийлэхийг анхааруулав.