Дэлхийн бөхийн нэгдсэн холбоо (UWW) онлайнаар хуралдаж бөхийн төрлүүдийн насанд хүрэгчдийн ДАШТ-ийг Белград хотод зохион байгуулах болсноо зарлалаа.
Сонгомол болон эрэгтэй, эмэгтэй чөлөөт бөхийн 2020 оны ДАШТ-ийг Серб улсын нийслэл Белград хотноо 12 дугаар сарын 12-20-нд зохион байгуулах аж.
Мөн 12 дугаар сард Дэлхийн залуучуудын АШТ-ийг тус хотод зохион явуулах бол чөлөөт бөхийн цэргийн сургуулийн сонсогчдын аварга шалгаруулах олон улс тэмцээнийг Москва хотод зохион байгуулахаар болжээ.
