С.Баяр: МАН бүү хөөр, хүнд жилүүд айсуй

УИХ-ын 2020 оны ээлжит сонгуулийн дүн МАН-ыг баярлуулж, АН-ыг шоконд оруулаад буй. АН-ын гишүүдийн хувьд энэхүү ялагдлаа эрүүлээр ухамсарлаж, намд нь шинэчлэл хэрэгтэй гэдгийг ойлгож, намын удирдлагаа солих, намаа шинэчлэх тухай ярьж эхлээд байна.

Ямартай ч зарим гишүүд нь шаардлага хүргүүлж, Ц.Оюунгэрэл намын дарга болохоор зориглож буйгаа мэдэгдлээ.

Тэгвэл твиттер хуудсанд Ерөнхий сайд асан С.Баяр АН-ын сонгуулийн үр дүнгийн талаар байр сууриа ийнхүү илэрхийлсэн байна. Тэрбээр “АН одоо сэргэ, ухаан сийл, зориг гарга. Монгол гэрийг 2 багана босгодог шиг, Монголын төрийг 2 том нам авч явна. 1 том багантай бид байж үзсэн. Бүтээгүй. Ачааг хамт үүрэлц. МАН бүү хөөр. Хүнд жилүүд айсуй. Ардын тань амьдрал хэцүү байгаа шүү. Чадалтай нь өгөөмөр, өрөвч байдаг…” хэмээв.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн