Монгол Улсын Их Хурлын найм дахь удаагийн сонгуулийн санал хураалт улс орон даяар үргэлжилж байна.
УИХ-ын дарга Г.Занданшатар гэргий Г.Отгонгэрэлийн хамт УИХ-ын сонгуулийн 3 дугаар тойргийн 11 дүгээр хэсгийн хороонд 11:40 цагт буюу морин цагт саналаа өглөө.
Тэрбээр саналаа өгсний дараа сонгогчдодоо хандаж хэлсэн үгэндээ сонгуульдаа идэвхтэй оролцохыг ард түмэндээ уриалсан юм.
УИХ-ын сонгуулийн 3 дугаар тойрог буюу Баянхонгор аймагт 58,103 сонгогч санал өгөхөөр сонгогчдын нэрсийн жагсаалтад бүртгэгджээ.
Эх сурвалж: УИХ-ын Хэвлэл мэдээллийн алба