Монгол Улсын Шадар сайд Ө.Энхтүвшингийн удирдаж буй Улсын Онцгой комиссын ээлжит хуралдаан өчигдөр /2020.06.18/ Төрийн ордонд болсон билээ. Энэ үеэр хөл хориог дахин сунгах саналыг гаргасан байна.
Тодруулбал, энэ сарын 30-ны өдрөөр дуусгавар болох өндөржүүлсэн бэлэн байдлын хөл хориог ирэх долоодугаар сарын 15-ны өдөр хүртэл сунгах саналыг гаргаж, хэлэлцжээ. Гэхдээ дээрх шийдвэр нь албан ёсных биш гэдгийг Гадаад харилцааны яамны Консулын газрын дарга Л.Мөнхтүшиг өчигдөр мэдээлэл хийх үеэрээ хэлжээ.
