Коронавирусээр хамгийн өөдрөгөөр, мөн хамгийн муугаар тооцвол хэдэн хүн нас барах вэ?
Австралийн үндэсний их сургуулийн хавсарга макро эдийн засгийн дүн шинжилгээний төвийнхөн 03 дугаар сарын эхээр үйл явдал хэрхэн өрнөх тухай долоон хувилбар гаргасан юм. Судлаачид дэлхий даяар коронавирусээр хэдэн хүн нас барах, түүнчлэн энэхүү цар тахлын дэлхийн ДНБ-д үзүүлэх хохирлыг тооцох гэж оролджээ.
Өөдрөг хувилбараар харвал дэлхий дахинаа 15 сая орчим хүн коронавирусийн халдвараар нас барна. Харин хамгийн муугаар тооцвол 68 сая орчим хүн энэ вирусийн улмаас амиа алдана гэж гарчээ. 2019 оны байдлаао дэлхийн нийт хүн ам 7,7 тэрбум болсон.
Одоохондоо энэ таамаглал худал мэт харагдахаар байна. Хятад улс л гэхэд улс доторх халдварын тархалтаа зогсоож чадсан, хилийн чанадаас халдвар тээж ирсэн хүмүүсийн шинэ урсгалд бэлтгэж байна. Дөрөвдүгээр сарын 9-ний өдрийн байдлаар тус улсад 3000 хүн л нас бараад байгаа юм. Гэтэл судалгааг гаргасан эрдэмтэд Хятадад сайнаар бодвол 2,8 сая, муугаар бодвол 12,6 сая хүн нас барна гэж мэдэгдсэн байна.