Нийслэлийн прокурорын газраас 2002 оны Эрүүгийн хуулийн тусгай ангийн 265 дугаар зүйл /Төрийн бус байгууллага, аж ахуйн нэгжийн албан тушаалтан эрх мэдлээ урвуулах/-ийн 265.2 дахь хэсэг /Энэ хэргийг давтан үйлдсэн, эсвэл их хэмжээний хохирол учирсан бол тодорхой албан тушаал эрхлэх , үйл ажиллагаа явуулах эрхийг гурван жил хүртэл хугацаагаар хасах буюу хасахгүйгээр 2-5 жил хүртэлх хугацаагаар хорих ялаар шийтгэнэ/-т зааснаар яллах дүгнэлт үйлдэж ирүүлсэн УБТЗ ХНН-ийн дарга асан Л.Пүрэвбаатарт холбогдох хэргийг Баянгол дүүргийн Эрүүгийн хэргийн анхан шатны шүүх хянан хэлэлцлээ.
Шүүхийн хэлэлцүүлэгт: Хохирогчийн талаас гаргаж өгсөн нотлох баримттай шүүгдэгчийн өмгөөлөгч нар танилцах мөн Баянгол дүүргийн татварын хэлтсээс тодорхой баримт гаргуулах зэрэг хүсэлтийг хүлээн авч шүүх хуралдаанд талуудын мэтгэлцэх боломжийг хангах үүднээс шүүх хуралдааныг 2020 оны дөрөвдүгээр сарын 15-н хүртэл хойшлууллаа.