Тайландад коронавирусээр тоглоом шоглоом хийвэл шоронд хорино

Тайландын Вант улсад 04 дүгээр сарын 01-нд тун болгоомжтой тоглоом шоглоом хийх хэрэгтэй. Учир нь тус улсын ерөнхий прокурорын газраас COVID-19-ийн сэдвээр тоглоом тохуурхал хийж, худал мэдээлэл цацвал шоронд хорино гэдгийг иргэддээ анхааруулжээ.

“Анхаар! Онц байдлын энэ нөхцөлд 04 дүгээр сарын 01-ний Инээдмийн баяраар интернэт, олон нийтийн сүлжээ, эсвэл хэвлэл мэдээллийн хэрэгслээр коронавирусийн халдвартай холбоотой тоглоом тохуурхал хийж, худал мэдээлэл цацвал 2 хүртэл жилээр хорих буюу 40 мянган тайланд бат (ойролцоогоор 1300 ам.доллар)-аар торгоно” гэж ерөнхий прокурорын газрын хэвлэлийн орлогч нарийн бичгийн дарга Косонлават Интхучунионг мэдэгджээ. Тайландын засгийн газар хилээ бүрмөсөн хаасан юм.

mir24.tv

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн