Засгийн газрын өнөөдрийн хуралдаанаар тэтгэврийн зээлгүй ахмадуудад 1 сая төгрөгийн үнэт цаас олгох журмыг хэлэлцэж байна. Мөн тэтгэвэр барьцаалсан зээлийг төрөөс нэг удаа тэглэх хууль батлагдсантай холбоотойгоор тэтгэврийн зээл олгох журамд өөрчлөлт оруулах талаараа мэдээлж байсан.
Өөрөөр хэлбэл, жилд нэг удаа зургаа хүртэл сарын тэтгэвэр барьцаалсан зээлийн үйлчилгээ байж болно хэмээн ярьж буй бөгөөд ирэх долоо хоногоос Монголбанк, арилжааны банкуудтай ярилцсаны үндсэн дээр сар шинийн баяраас өмнө зээлийн нөхцлөө тогтохоор ажиллаж байгаа талаар Хөдөлмөр нийгмийн хамгааллын сайд С.Чинзориг мэдээллээ.