Эдийн засаг

Монголын бараа, бүтээгдэхүүн БНХАУ-ын цахим худалдааны төвд байршив

БНХАУ-ын ӨМӨЗО-ны Баяннуур хотын “Хө Тао” цахим худалдааны төвд Монгол Улсын ААН-үүдийн 100 гаруй төрлийн бараа бүтээгдэхүүн борлуулалтын дараа татвар төлөх нөхцөлтэйгээр байршаад байна.

Энэ нь Монголын бараа бүтээгдэхүүнийг БНХАУ-ын зах зээлд онлайнаар худалдах “Хил дамнасан цахим худалдаа-E export” төслийн ажлын эхлэл болоод байна. Төслийг Монголын талаас МҮХАҮТ, БНХАУ-ын талаас тус улсын ӨМӨЗО-ны Баяннуур хотын Худалдааг дэмжих хороо өнгөрсөн оноос эхлүүлээд байгаа юм.

9681c6bf610f3a99e828624e1439dba5 Монголын бараа, бүтээгдэхүүн БНХАУ-ын цахим худалдааны төвд байршив

БНХАУ-ын зах зээлд бараа бүтээгдэхүүнээ онлайнаар худалдах нь Монголын бизнес эрхлэгч, үйлдвэрлэгч нарт цаг хугацаа, хөрөнгө мөнгө хэмнэх таатай боломжийг олгож, улмаар Зүүн өмнөд Азийн орнуудын зах зээлд нэвтрэх үүд хаалга болох юм. Манай улсын үйлдвэрлэгчдийн бүтээгдэхүүн Хятадын зах зээлд түгээгдэх эхний гарц нь ӨМӨЗО-ны Баяннуур хот дахь Ложистикийн төв болж байна.

Түүнчлэн БНХАУ-ын ӨМӨЗО-ны Баяннуур хотын Худалдааг дэмжих хорооны Төлөөлөгчийн газар Улаанбаатар хотод ажиллаж байна.

57a1c63ec0774c49f47dd779cbb518c0 Монголын бараа, бүтээгдэхүүн БНХАУ-ын цахим худалдааны төвд байршив

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close