БНХАУ-ын Төрийн зөвлөлийн Шадар сайд Лю Хэ худалдааны эхний үе шатны хэлэлцээрт гарын үсэг зурахаар өчигдөр АНУ-ыг зорьжээ. Түүнийг Гадаад харилцаа, Худалдааны яамны өндөр түвшний төлөөлөгчид дагалдан явж байгаа юм байна.
Лю Хэ энэ айлчлалын үеэр өнгөрсөн 12 дугаар сарын дундуур тохиролцоонд хүрсэн эхний үе шатны хэлэлцээрээр БНХАУ Америкийн фермийн аж ахуйн бүтээгдэхүүний импортоо нэмэгдүүлж, оюуны өмчийн зарим асуудлыг зохицуулах төлөвтэй байна.
Гэсэн хэдий ч талууд зарим нэг асуудлаар санал зөрөлдсөн хэвээр байгаа бөгөөд худалдааны хэлэлцээрийн эцсийн хувилбарт хэзээ гарын үсэг зурах эсэх нь тодорхойгүй байгаа юм. Хоёр талын төлөөлөгчид эхний үе шатны хэлэлцээрийг Цагаан ордонд лхагва гарагт байгуулах төлөвтэй байна.
