Хөдөлмөрийн аюулгүй байдал хангаагүйгээс 2019 онд 48 хүн ажлын байран дээрээ амь насаа алдсан байна. Энэ нь өмнөх оноос өссөн үзүүлэлт гэнэ. Ихэвчлэн уул уурхай, барилгын салбарт энэ осол гарчээ.
Хэдийгээр хууль эрх зүйн хувьд боломжийн ч нэгж дээр хэрэгжүүлэх байдал муу байгааг харуулсан тоо гэж Хөдөлмөр, нийгмийн хамгааллын яамны Хөдөлмөрийн аюулгүй байдал, эрүүл ахуйн хэлтсийн дарга З.Бауыржан хэллээ.
Улсын хэмжээнд өнгөрсөн 2019 онд нийт 340 гаруй осол гарчээ. Аж ахуйн нэгж, байгууллагууд ослоос урьдчилан сэргийлэх ажилд нэг жилийн төсвийнхөө 1.5 хувийг зарцуулах үүрэгтэй. Гэтэл үүргээ 100 хувь биелүүлэхгүй байгаа нь осол гэмтэл гарах цаашлаад хүний амь нас эрсдэх үндсэн шалтгаан болоод байгаа аж.
