“Авьяаслаг Шведчүүд” шоунд оролцож, алтан баззерын эзэн болсон монгол охин А.Янжаа тэмцээний финалын шатанд тунаж үлдлээ. Ой тогтоолтын төрлөөр энэ тэмцээнд оролцож байгаа Янжаа эхний шатанд үзэгчдийн суудлаас тайзанд уригдсан танихгүй 20 хүн хүний нэрийг 90 секундийн цээжилж “Алтан баззер”-ын эзэн болж, шилдэг 32 оролцогчийн нэг болсон юм. Тэмцээний финалийн шалгаруулалт ирэх долоо хоногийн баасан гаригт болно. А.Янжаа 2015 онд болсон ой тогтоолтын Дэлхийн аварга шалгаруулах тэмцээний эмэгтэйчүүдийн ганцаарчилсан төрөлд алтан медаль хүртэж байжээ.
