Уяачдын шинэ жил өчигдөр “Корпорейт хотел энд конвейшн центр”-т болж, шилдгүүдээ тодрууллаа. Улмаар эл оны шилдэг уяачаар Төв аймгийн Сэргэлэн сумын харьяат, Монгол Улсын гавьяат малчин, тод манлай уяач Д.Ононгийн хүү Дорнод аймгийн Баянтүмэн сумын харьяат, тод манлай уяач Батбилэг тодорлоо.
Тэрбээр шигшмэл морьдын “Их хурд” уралдаанаас нэг түрүү, гурван айраг, Ардын хувьсгалын 98 жилийн баяр наадмаас нэг түрүү, дөрвөн айраг, Засгийн газрын тогтоолтой бүсийн уралдаанаас дөрвөн түрүү, найман айраг хүртэж чансааг 93 оноогоор тэргүүлэв.
