Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
“Иргэний улсын бүртгэлийн системийн шинэчлэл” сургалт болж байна – updown.mn

“Иргэний улсын бүртгэлийн системийн шинэчлэл” сургалт болж байна

Улсын бүртгэлийн ерөнхий газрын Тамгын газраас зохион байгуулдаг ээлжит сургалт өнөөдөр улсын бүртгэлийн байгууллагын иргэний улсын бүртгэгч нарын дунд зохион байгуулж байна.

Иргэний улсын бүртгэлийн үйл ажиллагаанд ашиглагдах програм хангамжийн хөгжүүлэлтийг танилцуулах, системд шинээр нэмэгдсэн өгөгдөл, түүнийг удирдах, ажиллуулахад мэдлэг, дадлага олгох, хууль эрх зүйн мэдлэгийг дээшлүүлэх уг сургалтанд аймаг, нийслэлээс нийт 64 иргэний улсын бүртгэгч нар хамрагдаж байна.

Сургалтыг УБЕГ-ын дэд дарга Д.Дэлгэрсайхан нээж, үг хэлсэн бол Интерактив ХХК-ийн бизнес аналист Э.Ундрал, Г.Нармандах нар Иргэний улсын бүртгэлийн нэгдсэн систем, хэрэглэгчийн удирдлагын модуль болон системд агуулагдаж буй төрсний, гэрлэсний, эцэг /эх/ тогтоосны бүртгэлийн, үрчилсний, шилжилт хөдөлгөөний бүртгэлийн өгөгдлийн тухай зэрэг 30 гаруй өгөгдлийг танилцуулж, дадлагын ажил хийлгэх юм.

Сургалт хоёр өдөр үргэлжлэх ба Азийн хөгжлийн банкны “Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох төсөл”-ийн санхүүжилтээр зохион байгуулагдаж байгаа болно.

Иргэний улсын бүртгэлийн үйл ажиллагаанд одоогоор онлайн, оффлайн болон афис программуудыг ашиглаж байгаа ба иргэний улсын бүртгэлийн нэгдсэн системд шилжснээр тулгамдаж буй бэрхшээлүүдийг арилгах юм.

Тухайлбал, алслагдсан сумдад сүлжээ ороогүйн улмаас бүртгэлийн оффлайн программ ашигладаг ба иргэний шилжилт хөдөлгөөний бүртгэлийг заавал сүлжээнд холбогдсон аймгийн бүртгэлийн хэлтэст тухайн мэдээллийг шивж оруулдаг. Энэ нь хугацаа алдах зэрэг асуудалтай тулгардаг аж.

Иймээс 2020 он гэхэд Азийн хөгжлийн банкны “Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох төсөл”-ийн хүрээнд Монгол Улсын 21 аймаг, нийслэлийн 9 дүүрэг, 330 сум, 152 хороог бүртгэлийн нэгдсэн системд холбож дуусгахаар Улсын бүртгэлийн ерөнхий газар ажиллаж байна.

УБЕГ

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн