Орос, Монгол Улсын Засгийн газрын хооронд эрчим хүчний салбарт хамтран ажиллах хэлэлцээр байгууллаа

Монгол Улсын Эрчим хүчний Сайд Ц.Даваасүрэн, Оросын Холбооны Улсын Эрчим хүчний Сайд А.В.Новак нар ОХУ-ын Засгийн газар, Монгол Улсын Засгийн газар хоорондын эрчим хүчний салбарт хамтран ажиллах хэлэлцээрийг 2019 оны 12 дугаар сарын 04-ны өдөр Москва хотноо байгуулав.

Тус хэлэлцээрийг байгуулсанаар эрчим хүчний салбарт хоёр талын хамтын ажиллагааг харилцан ашигтай байх зарчмаар үр ашигтай, эдийн засаг, шинжлэх ухаан – техникийн хамтын ажиллагаагөргөжүүлнэ. ОХУ, Монгол Улсын цахилгаан эрчим хүчний салбарт хөрөнгө оруулалтыг дэмжих, олон улсын болон бүс нутгийн цахилгаан эрчим хүчний найдвартай ажиллагаагхангах дэд бүтцийн барилга байгууламж барихсудалгаахийх, шинэчлэх, өргөтгөх,эрчим хүчний үйлдвэрлэх, экспортлох, импортлох, эрчим хүчний сүлжээг хөгжүүлэх чиглэлийн хамтарсан төслүүдийг хэрэгжүүлэх зэрэг олон асуудлуудыг хэлэлцээрттусгасан болно.