Дэлхийн интернэт сүлжээний 2019 оны “Web Summit” чуулга уулзалт Португалийн Лиссабон хотод зохиогдож өндөрлөлөө. Энэ сарын 4-7-нд болж өнгөрсөн чуулганд 160 гаруй улс оролцож, интернэт сүлжээний үзэсгэлэнг давхардсан тоогоор 70 мянган хүн үзэж, интернэтийн технологийн хамгийн сүүлийн үеийн хөгжил, хэрэглээтэй танилцжээ.
“Web Summit” анх 2009 онд Ирландын Дублин хотод зохиогдсон байна. Энэ уулзалтаар мэдээллийн технологи, хөгжиж буй технологи, хөрөнгө оруулалтын боломжуудын талаар хэлэлцүүлэг хийгдэж, технологийн үзэсгэлэнгүүд нээгддэг юм.
Энэ удаагийн чуулганд Facebook, Google, Microsoft, Accenture, IBM, Samsung гэх мэт нэр хүнд бүхий технологийн компаниуд оролцрж, SoftBank, Sequoia, Goldman Sachs гэх мэт тэргүүлэх хөрөнгө оруулагчид дэмжин ажиллажээ.
