АНУ-ын Ерөнхийлөгч Дональд Трамп Туркийн төрийн тэргүүн Тайип Эрдогантай утсаар ярьсан тухайгаа мэдээлжээ. Тэрээр түүнтэй энэ сарын 13-нд Вашингтон хотноо уулзахаар болсон байна.
“Туркийн Ерөнхийлөгчтэй утсаар сайхан яриа өрнүүлэв. Тэрбээр Сирийн мөргөлдөөний үеэр зугтсан хэмээгдэж байсан, террорист Абу Бакра аль-Багдадигийн эхнэр, эгч зэрэг “Лалын улс”-ын олон террористыг баривчилсан гэж хэллээ. Мөн Сиритэй залгаа Туркийн хилийн асуудлыг, терроризмыг үндсээр нь устгах, курдуудтай дайсагнах явдлыг зогсоох болон бусад олон асуудлыг хэлэлцсэн. Арваннэгдүгээр сарын 13-ны лхагва гарагт Ерөнхийлөгч Эрдогантай Цагаан ордонд хийх уулзалтыг тэсэн ядан хүлээж байна” гэж Д.Трамп “Twitter” хуудсандаа бичжээ.
Эх сурвалж: ТАСС