Урлаг, Спорт

Анаж хүлээсэн Аида дуурь

Дэлхийн дуурийн урлагийн ноён оргил, 140 жилийн турш үзэгчдийг “алмайруулж” байсан Ж.Вердийн “Аида” дуурь Монголын тайзнаа 2011 онд анх амилж байсан билээ. Энэхүү гайхамшигт дуурийн энэ удаагийн тоглолт /2019-11-02-03/ бямба, ням гаригт боллоо.

Танхимын гэрэл унтрахад үзэгчид амьсгаа даран, дор бүрнээ догдолж байв. Урлагийн гавьяат зүтгэлтэн, удирдаач Н.Туулайхүүг үзэгчид халуун алга ташилтаар угтав. Одоо л эхлэх нь. Цаанаа л нэг түгшүүртэй хөгжим эгшиглэж хөшиг нээгдэв. УДБЭТ-т ирсэн үзэгчид бүгд Египет Мемфис дахь хааны ордонд хүрэлцэн ирэв. “Аида” дуурь дөрвөн бүлэг долоон үзэгдэлтэй. Бүлэг бүрт тайз өөрчлөгдөж, үзэгчдийг гайхашруулав. Монголд хийж байгаагүй шинэ тайзыг энэ удаад ч театрынхан хийж чаджээ.

IMG_0059 Анаж хүлээсэн Аида дуурь

“Аида” дуурь  жинхэнэ могой, морь, бүргэдийг тайзнаа авчирсан байсан юм.

IMG_0088 Анаж хүлээсэн Аида дуурь

Цаашлан гайхамшиг дуучдаар үргэлжлэв. ”Аида” дуурьт дуулна гэдэг дуурийн дуучин хүн бүрийн мөрөөдөл байдаг гэнэ билээ. Аидад Б.Эрдэнэтуяа МУГЖ, Амнерис гүнжид Р.Доржхорол МУГЖ, Радамес хааны ордны хамгаалалтын даргад Б.Эрдэнэ-Очир СТА, Амонасро Эфиопын хаан, Аидагийн эцэгт Ч.Энхтайван СТА, Египетийн хаанд С.Бат-Эрдэнэ СТА нар чадварлаг тоглож, үзэгчдийг эзэмдэв. Дуучдын дуулалт, жүжиглэлт бахдам.

IMG_0098 Анаж хүлээсэн Аида дуурь

Эфиопын хаан Амонасро буюу Аидагийн эцэгт анх 2011 онд “Жинжиймаа” Ц.Баттөр СТА дуулж байсан ба энэ удаад СССР-ийн Ардын жүжигчин Надежда Андреевна Обуховын нэрэмжит дуурийн дуулаачдын V уралдааны дэд байр, М.И. Глинкийн нэрэмжит олон улсын дуурийн дуулаачдын уралдааны хоёрдугаар байр зэрэг олон уралдааны шагналт Соёлын тэргүүний ажилтан Ч.Энхтайван хоёр жил уран бүтээлээ завсарлан эргэн тайзнаа ирсэн нь энэ оройн онцлох уран бүтээлч байсан юм.

Capture00 Анаж хүлээсэн Аида дуурь

Түүнийг УДБЭТ-ын “шинэ Юндэн” гэлцдэг. Сэтгүүлч миний мэдэхээр “Трубадур” дуурийн Ди Луна, “Кармен” дуурийн бухтай тулалдагчийн дүрийг сэтгэлд хоногштол бүтээсэн Монголын сонгодог урлагийн шилдэг баритонуудын нэг билээ.

75354826_2691322834264092_14709219311747072_o Анаж хүлээсэн Аида дуурь

Анхлан 2011 онд 140 жилийнх нь ойг тохиолдуулан Монголын театрт тоглогдож байсан “Аида” дуурь ахин шинэ өнгө төрхөөр үзэгчид олонтой ийн учирлаа.

IMG_0075 Анаж хүлээсэн Аида дуурь

IMG_0113 Анаж хүлээсэн Аида дуурь

 

IMG_0103 Анаж хүлээсэн Аида дуурь

IMG_0149 Анаж хүлээсэн Аида дуурь

 

 

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close