Нойтон цас орохтой холбогдуулан шуурхай үүрэг өгчээ

ЦУОШГ-аас  өнөө орой 20.00 цагаас эхлэн үргэлжилсэн нойтон цас хаялахыг анхааруулжээ. Иймд Улаанбаатар хотын Ерөнхий менежер Т.Гантөмөр дүүргүүдийн зам талбайн цэвэрлэгээ үйлчилгээний газруудад, хот тохижилтын газрын удирдлагуудад шуурхай үүрэг өгчээ. Энэ талаар Улаанбаатар хотын захирагчийн ажлын албаны Тохижилт, Хог хаягдлын Удирдлагын хэлтсийн мэргэжилтэн С.Аригуун “Шөнөжин үргэлжлэх нойтон цаснаас үүдэж зам талбайн халтиргаа, гулгаа үүсэх эрсдэлтэй тул давс, бодисын хангамжийг бэлдэж, явган хүний зам дагуу орсон цасыг нэн даруй шүүрдэж болзошгүй осол, гэмтлээс урьдчилан сэргийлэх ажлуудыг нэн даруй хийхийг хотын Ерөнхий менежер үүрэгдлээ.

Одоогоор дүүргүүдийн ТҮК эхний ээлжинд хэрэглэх давс, бодисын нөөцөө бүрдүүлсэн байгаа аж.  Өвлийн улирал ирж буй энэ цаг үед иргэдийн зүгээс автомашиныхаа өвлийн дугуйг бэлтгэх, солих, бэлдэх ажлуудыг хийхийг холбогдох албаны хүмүүс зөвлөлөө.

Түлхүүр үг:

Сэтгэгдэл оруулах

Уншигчдын бичсэн сэтгэгдэлд updown.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.