Айраг, мах нууцаар тээвэрлэсэн иргэд Оросын гааль дээр саатуулагджээ

Монгол улсын иргэн ОХУ-ын автозамын хилийн боомт Хиагтаар 24 литр айраг авч гарах гээд Оросын хил, гаалийнханд саатуулагджээ. Түүнчлэн тус боомтоор хонины чанасан 6.6 кг махыг машинд нуусан байсныг хураасан байна. ОХУ-ын хууль тогтоомжийг зөрчсөн дээрх иргэдэд захиргааны хэрэг үүсгэж, хураагдсан айраг, махыг Монголын талд хүлээлгэн өгчээ. Монгол улсаас ОХУ руу мах, сүү, сүүн бүтээгдэхүүн, амьд амьтдыг тээвэрлэх, зөөвөрлөхийг 2017 оны 1-р сарын 12-ноос эхлэн түр хориглоод байгааг Эрхүү муж, Буриадын БНУ-ын Мэргэжлийн хяналтын газар анхааруулж байна. Тиймээс хойд хөрш рүү аялж байгаа монгол иргэд хориглосон бүтээгдэхүүнийг хил нэвтрүүлэх гэсэн үйлдлийг удаа дараа гаргаж байгааг анхааруулжээ.

Сэтгэгдэл оруулах

Уншигчдын бичсэн сэтгэгдэлд updown.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.