Хэдхэн өдрийн бороонд Сонсголонгийн гүүрний доор байрлах цахилгаан дамжуулалтын шугамын далангийн эрэг усанд идэгдсэн байна. Цаашид ч бороо орох төлөвтэй байгаа тул үерийн уснаас урьдчилан сэргийлж холбогдох албаныхан 25 кг-ын элстэй 1000 эко шуудайтай 10 тонн элс хайргаар үерийн даланг хамгаалжээ. Энэ нь анхан шатны түр хамгаалалт юм байна. Яаралтай арга хэмжээ авахгүй бол үерлэсэн голын ширүүн урсгалаас болж эрэг идэгдэж, цахилгаан дамжуулалтын шугам хазайж нурах аюултай нөхцөл байдал бий болсон аж.
Шугамыг зөөж өөр газар байршуулах, эсвэл үерийн урсгал саарсны дараа хамгаалалтын өндөр бүтэцтэй битонон даланг хийж энэ цахилгааны шугамын бүрэн бүтэн байдлыг хамгааалж авч үлдэхээс өөр аргагүйд хүрчээ. Нийслэлийн онцгой комисоос өгсөн үүрэг даалгаврын дагуу тус газарт нийслэлийн мэргэжлийн ангиуд урьдчилан сэргийлэх арга хэмжээ авч ажиллаж байгаа юм.