Аадар борооны улмаас хуримтлагдсан усыг соруулж байна

Улаанбаатар хотод өнөөдөр их хэмжээний аадар бороо орсны улмаас Хавдар Судлалын Үндэсний төвийн цахилгааны эх үүсвэрийн орчимд хөрсний суулт, цөмрөлт үүсчээ. Энэхүү нөхцөл байдалтай холбогдуулан тухайн хэсгийн зорчих хэсгийг түр хугацаагаар хязгаарласан байна.

Хотын Ерөнхий менежер газар дээр нь ажиллаж, заавар чиглэл өгч хуримтлагдсан усыг соруулах арга хэмжээг Геодези усны барилга байгууламжийн газарт үүрэг болгон шуурхай арга хэмжээ авч ажиллаж байгаа аж. Түүнчлэн тус эмнэлгийн дээврээс дусаал гоожсон нөхцөл байдлыг хэрхэн шийдвэрлэх талаар ЭМЯ-ны Төрийн захиргаа удирдлагын газрын дарга Б.Цогтбаатар байр сууриа илэрхийлжээ. Тэрээр “Төрийн нарийн бичгийн даргын тушаалаар ажлын хэсэг байгуулах болсон” хэмээн мэдэгдсэн байна. Эмнэлгийн дээврийн засварт 400 сая төгрөг шаардлагатай бөгөөд Засгийн газрын хуралдаанаар энэ асуудлыг шийдвэрлэх болсон ажээ.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн