Реалити шоуны од Ким Кардашьян, рэпер Канье Уэст нар гурав дахь хүүхдэдээ нэр хайрлалаа. Тэд охиндоо Чикаго гэдэг нэр өгөхөөр шийджээ. Энэ талаар теле од “Twitter” хуудсандаа мэдээлсэн байна.
Чикаго бол Канье Уэстийн төрсөн хот юм.
Алдарт хос энэ сарын 16-нд гурав дахь хүүхдээ өлгийдөн авсан билээ. Тэдний хүүхдийг тээгч эх төрүүлсэн юм.
“Канье бид хоёр эв эрүүл, хөөрхөн охин төрснийг дуулгахад таатай байна. Бид мөрөөдлийг минь биелүүлж өгсөн тээгч эхдээ хязгааргүй их баярлалаа” хэмээн Ким Кардашьян бичжээ.