ЕХ:Ерөнхийлөгч Х.Баттулгад цаазын ялыг сэргээх саналаа эргэн харахыг мэдэгдэв

Ерөнхийлөгч Х.Баттулга Хуульзүй дотоод хэргийн яаманд хандан хүүхдийн эсрэг үйлдсэн гэмт хэрэгт цаазын ялыг дахин сэргээх санал гаргасан. Үүнтэй холбогдуулан Европын холбооноос дүгнэлт, мэдэгдэл гаргажээ. Үүнд,

“Монгол Улсын Ерөнхийлөгч Х.Баттулга Хуульзүй дотоод хэргийн яаманд хандан “хүүхдийн эсрэг гэмт хэрэгт цаазын ялыг дахин сэргээх” тухай албан ёсны санал дэвшүүлсэнд бид ихээр санаа зовниж байгаагаа илэрхийлж байна.

Европын холбооны зүгээс Монголын эрх баригчдад хандан цаазын ял нь хүний эрхийг ноцтой зөрчиж байгааг анхааруулж байна. Цаазын ял нь хүмүүнлэг бус, асуудлыг улам дордуулдгаас гадна, хуульзүйн хүрээнд буцааж болшгүй онц ноцтой алдаануудыг бий болгодог. Цаашилбал цаазын ялыг дахин нэвтрүүлэх арга хэмжээ нь НҮБ-ын Ерөнхий Ассамлеэн 62/149, 63/168, 67/176, тоот тогтоолуудыг зөрчиж байна. Эдгээр тогтоолд цаазын ялыг хориглосон бүс нутгуудын талаар дурдсан байдаг.

Цаазын ялыг дахин сэргээх арга хэмжээ нь томоохон хэмжээний ухралт хийсэн үйл явдал бөгөөд Монгол Улсын нэр хүндэд сөргөөр нөлөөлөх болно.

Цаазын ялыг дахин сэргээх нь иргэний болон улс төрийн эрхийн тухай олон улсын актын нэмэлт хоёрдугаар Протоколыгш көрчиж бйа на. ЕХ-ын зүгээс 2017 оны 11-р сард МУ-ын Ерөнхийлөгч Х.Баттулга болон бусад төрийн өндөр албан тушаалтнуудтай уулзах үеэр энэ талаар дурдаж, санаа зовниж байгаагаа мэдэгдсэн. Нөхцөл байдал цааш үргэлжилбэл, ЕХ-ны зүгээс Монгол Улсын “Хөнгөлөлтийн Ерөнхий Систем”-ийн дагуу хүлээсэн үүргийг хуулийн хүрээнд дахин харж үзэх шаардлага тулгарч байна. Улмаар Монгол Улс “ХЕС”-д багтах эсэхийг дүгнэх болно.

Эцэст нь, Монгол Улсыг энэхүү шийдвэрээ буцааж, бидний санаачилсан “Шаналал үгүй Худалдаа” Олон Улсын Холбоонд нэгдэн ажиллахыг хүсч байна. Энэхүү уриа нь аливаа зовлон, шаналлын үрдүнд бий болсон бараа, таваарыг худалдаанд оролцуулахгүй байх санаачилга бөгөөд Монгол Улс цаазын ялгүй орон тул энэ холбоонд нэгдэн орсон байгаа. Хэрэв цаазын ялыг сэргээвэл Монгол Улсын хувьд энэ үүргээс мөн чөлөөлөгдөх болно” гэжээ.

  • WordPress
  • Facebook

3 сэтгэгдэлтэй

  1. Манайх чинь бие даасан улс мөн биздээ.Өөрийнхөө орны онцлог,хүнийхээ ухамсарт нийцүүлж хууль цаазаа гаргах эрх бидэнд бий гэж бодох юм.

    Хариулах
  2. Яагаад буурай оронд ингэж дарамт үзүүлж бдаг бнаа тэр америк хятадад цааз байж л бдаг ш дээ манайх чинь бие даасан тусгаар улс байж өөрсдийн хууль тогтоомж бусад зүйлсээ өөрсдөө хийж болдогүй юм уу

    Хариулах
  3. Эдийн засгийн алуурчид, ОФШОР-чид болон Төрийн өмчийг янз бүрийн хэлбэрээр луйвардаг нар, Улс орноо худалдагчид, харийнханд ашигт малтмалаа зардаг авилгачид нарын эрээ цээргүй үйлдлийг цаазлахгүйгээр шийдвэрлэх арга үгүй болсон цөвүүн цагт нийтийн эрх ашгийн өмнөөс цаазаар авах ялыг сэргээх зайлшгүй шаардлага байгаа тул гадны луйварчидтай нийлж элдэв дарамт шахалт үзүүлэх гэсэн аливаа оролдлогыг таслан зогсоох хэрэгтэй байна шүү.

    Хариулах

Сэтгэгдэл оруулах

Уншигчдын бичсэн сэтгэгдэлд updown.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.