Ойрын өдрүүдэд цаг агаар +30 хэмээс дээш халж байгаа энэ үед Яаралтай түргэн тусламжийн төвд өдөрт 1000 гаруй дуудлага ирж ачааллаа дийлэхгүйд хүрчээ. Тус төвийн 103 утсанд хэт халуун наранд наршсан, халуурсан, даралт ихссэн, ухаан алдаж унасан, таталт өгсөн дуудлага зонхилох болсон байна.
Ялангуяа 0-10 насны хүүхэд бөөлжсөн халуурсан гэх дуудлага 60-70 хувийг эзэлж байгаа аж. Тиймээс хэт халууны үед бага насны хүүхдээ гадуур аль болох авч явахгүй байх, толгой дээрээ хүйтэн жин тавьж шингэн зүйл сайтар ууж байхыг эмч нар зөвлөлөө.