Ирэх бямба гариг буюу тавдугаар сарын 20-нд “Автомашингүй өдөр” тохионо. Энэ өдөр нийслэлийн томоохон зах, худалдааны төвүүд ажиллахгүй юм байна. Найм дахь жилдээ тэмдэглэж буй “Автомашингүй өдөр” олон улсын гүйлтийн “Улаанбаатар марафон-2017” тэмцээн болно. Марафон гүйлтийн үеэр Бага тойруу, Энхтайваны өргөн чөлөө, Баруун дөрвөн замын уулзвараас Зүүн дөрвөн зам хүртэлх авто зам, Сөүлийн гудамж, Бээжингийн гудамж, Анкарагийн гудамж, Самбуугийн гудамжны авто замын хөдөлгөөнийг хязгаарлах юм байна.